Ofishin jakadancin Faransa a Bamako ya bayyana cewa, ya dakatar da bayar da sababbin takardun izinin shiga kasa wato visa ga 'yan Mali da ke son zuwa Faransan a farkon wannan makon, bayan Paris ta sanya Malin a matsayin kasa mai hadari tare da bai wa 'yan kasarta shawarar ka da su ziyarta. Rahotanni sun nunar da cewa, Faransan ta kuma dakatar da bayar da izinin shiga kasarta ta a daya tsohuwar aminiyar tata a yankin Sahel wato Burkina Faso. Wannan dai na zuwa ne, a daidai lokacin da sojoji suka kifar da gwamnati a makwabciyar Malin wato Jamhuriyar Nijar da ke zaman babbar kawa ga Faransan.