Alpha Condè ya lashe zabe
October 24, 2020
Hukumar zabe a kasar Guinea Conakry, ta bayyana Shugaba Alpha Conde, a matsayin wanda ya lashe zaben kasar inda ya sami kashi 59% na kuri'ub da aka kada a makon jiya.
Hukumar zaben ta Guinea ta kuma ce babban abokin hamayyar Shugaba Conde, Cellou Dalein Diallo, ya samu kashi 33.5% na kuri'un, mutumin da da dama ya bayyana kansa a matsayin wanda ya lashe zaben.
Yanzu dai Shugaba Alpha Condè zai zama shugaban da zai mukli Guinea har sau uku, bayan sauya tsarin mulki da aka yi wanda ya ba shi damar takara.
Sabbin rikice-rikice dai sun sake barkewa a Guinea ranar Juma'a, a tsakanin dakarun gwamnati da magoya bayan babban abokin hamayyar Shugaba Alpha Cònde, wato Cellou Dalein Diallo, yayin da ake dakon sakamakon zaben da ak yi a karshen makon jiya.
Rahotanni daga kasar a yanzu na cewa ana zaman dar-dar bayan sanar da sakamakon da hukumar zabe ta yi.