Amfani da makaman guba a yakin Siriya
July 9, 2013![Rebels inspect a T-72 tank parked in a secret location close to the village of Al-Rami, near the town of Ariha, in the northwestern Syrian province of Idlib, on June 22, 2013. World powers supporting Syria's rebels decided to take 'secret steps' to change the balance on the battlefield, after the United States and others called for increasing military aid to insurgents. AFP PHOTO / DANIEL LEAL-OLIVAS (Photo credit should read DANIEL LEAL-OLIVAS/AFP/Getty Images)](https://static.dw.com/image/16907934_800.webp)
Wani sakamakon bincike da masana kimyya na kasar Rasha suka gudanar ya gano cewa, wani makami da aka harba a yankin Khan al-Assal dake kusa da birnin Aleppo na kasar Siriya, a ranar 19 ga watan Maris din da ya gabata na dauke da sinadarin Sirin mai guba.
Jakadan kasar Rasha a Majalisar Dinkin Duniya Vitaly Churkin, ya bayyana cewa a kwai kyakkyawan zato kan cewa 'yan tawayen Siriya ne suka harba shi.
Churkin ya ce harin da aka kai din ya yi sanadiyyar mutuwar mutane sama da 20, yana mai cewa kwararru daga kasar Rasha sun ziyarci gurin tare da gudanar da bincike wanda aka tantance binciken nasu a dakin gwaje-gwajen kimiyya na kasar ta Rasha da Hukumar hana yin amfani da makami masu guba a lokutan yaki ta amince da shi.
Mawallafiya : Lateefa Mustapha Ja'Afar
Edita : Saleh Umar Saleh