Amirkar ta ce sojojin na haya na kamfanin Wagner na kwashe albarkatun ne a kasashen Jamhuriyar Afirka ta tsakiya da Mali da Sudan da ma wasu yankunan Afirkar, inda Rasha ke amfani da su wajen samun kudaden taimaka mata a yakin da take yi a Ukraine.

Jakadiyar Amirka a Majalisar Dinkin Duniya, Linda Thomas-Greenfield, ta ma ce Rasha na amfani da kudaden a wasu yake-yaken da take yi a wasu wasu yankunan a Afirka da ma wasu na kasashen Larabawa.

Jakadiyar ta Amirka ta kuma ce sojojin hayan Rashar, na take hakkin bil Adama a ayyukan da suke yi cikin kasashen.

Sai dai Rasha a nata bangaren ta yi watsi da zargin na Amirka, tana mai bayyana shi a matsayin wani shiryayyen abu da aka yi domin taba manata kima.