A cewar mai magana da yawun fadar ta White House Sarah Sanders wannan nasara da aka samu kan mayakan na IS baya nufin kawo karshe na gamayyar kasashe da suka hadu inda suke yaki da IS. Sai dai a cewar ministan tsaro na Birtaniya ya kalubalanci matakin na Amirka inda ya ce batu na cewa an kawo karshen mayakan na IS a Siriya bai ma taso ba. Tobias Ellwood ya ce ba zai taba yarda da jawabin na Trump na Twitter ba. Kasancewar mayakan na IS na rikide zuwa wasu kungiyoyi wadanda babbar barazana ce ga makomar zaman lafiya a duniya.