Rahotanni daga yankin sun ce harin da ya rutsa da shugabannin kungiyoyin jihadi kamar su Hourra al-Din da Ansar al-Tawhid wadanda ke rike da akasarin yankin na Idleb an kai shi ne a yayin da suke gudanar da wani taron a cikin gona.

Wannan dai shi ne farmaki mafi muni da sojoji suka kai akan mayakan jihadin, kwanaki bayan wani makamancinsa da ya hallaka jiga-jigan kungiyoyin mayakan akalla takwas.

Tuni hukumomi a birnin Washington na Amirka suka bayayya matakin kai farmakin ga masu tayar da kayar baya.