Ya kuma kara da cewar Amirka ta maida hankali ne a kan ganin ta kawo karshen kungiyar ta'addanci ta IS a  Siriya yayin da ana ta bangaren kasar Turkiyya ta dauki aniyar ganin Kurdawan ba su samu wata kariya daga ko wane bangare ba,lamarin da ya sanya ta kaddamar da wani harin sojoji a yankin Afrin don fatattakar Kurdawa daga kan iyakar ta da kasar ta Siriya. Rex Tillerson ya kara da cewa Amirka ta gudanar da wasu tarurruka da kasashen Turai a kan batun makami mai linzami a kasar Iran ko da yake har yanzu akwai sauran aiki.