Fadar White House ta Amirka ta sanar da cewa cikin jiragen yaki da za ta sayarwa kasar Saudiyya zai samar wa Amirka kudi sama da dala biliyan 29. Hakan zai samar da guraben aiki dubu biyar ga Amirkawa, kana hakan zai zaburar da tattalin arzikin Amirka izuwa dala biliyan uku da rabi a ko wace shekara. Kakakin fadar White House Josh Earnest yace karkashin yarjejeniyar Amirka za ta sayarwa Saudiyya jiragen yaki 84, kana ta sabonta wasu jiragen 70 dake yanzu haka Saudiya. Kazalika za su sayarwa Saudiyya albarusai da horar da ma'aikatan jiragen. Kakakin na gwamnatin Amirka yace wannan cinikin ya kara bayyana kekkewar hulda da ke tsaknin Saudiyya da Amirka, a matsayin Saudiyya kawar ta Amirka a fannin tsaron yankin kasashen Larabawa baki daya.

Mawallafi: Usman Shehu Usman

Edita: Ahmadu Tijjani Lawal