Biden ya jinjinawa Isra'ila kan halaka Yahya Sinwar wanda Isra'ila ke nema ruwa a jallo bisa zargin kitsa harin ranar 7 ga watan Oktoba. Shugaban na Amurka ya ce kashe Sinwar ka iya kawar da duk wani shinge da ke haifar da tarnaki a tattaunawar kawo karshen yakin Gaza.

Karin bayani: Gaza: Amurka ta gabatar da sabon shirin tsagaita wuta 

Kazalika, shugaban Biden da shugabannin kasashen Jamus da Burtaniya da Faransa zasu sake fitar da jadawalin tallafa wa Ukraine da karin makamai a yakin da take yi da kasar Rasha. Taron shugabannin na zuwa a daidai lokacin da shugaba Volodymyr Zelensky ya mika daftarin nasarar da ya samu a fagen daga ga kungiyar tsaro ta NATO da Majalisar Dokokin Kungiyar Tarayyar Turai a birnin Brussels.