A yayin wani taron manema labarai da ya gudanar, Zelensky ya amince da goron gayyatar Amurka, amma ya sake nanata cewa kasarsa ba za ta amince da duk wata yarjejeniya da aka cimma tsakanin Amurka da Rasha ba tare da sahalewar Kyiv ba, musamman kan batutuwan da suka shafi yankunan da ake takaddama a kai.

Karin bayani: Shawari 28 na sasanta Ukraine da Rasha

Rasha, wacce ta kaddamar da farmakin soji kan Ukraine a 2022, ta mamaye kusan kashi 20% na kasar kuma tana kokarin samun cikakken iko a yankin Donetsk da ke gabashin Ukraine, tana barazanar kwace shi da karfi idan tattaunawar ta gaza cimma biyan bukata.

Sannan Moscow na neman Ukraine ta janye sojojin Ukraine daga wasu sassan yankin da har yanzu suke iko da shi, bukatar da Ukraine ta ce ba za ta amince da ita ba.