Ƙasar Tchadi ta yanke shawara sake ƙulla hulɗoɗin diplomatia da China, abun da take, ke nufin katse dangantaka, ta da tsibirin Taiwan.

A ƙarshen makon da ya gabata, ministan harakokin wajen Tschad,, ya gana da takwaran sa na Taiwan, domin bayyana masa wannan labari, da ya baƙanta rayukan hukumominTai- Pey.

A hukumce, jiya ne Shugaban Idriss Deby, ya hiddo sanarwar sake ƙulla hulɗoɗi da China, bayan katsewar su, tun shekara ta 1997.

Wannan al´amari ya wakana, a yayin da Praministan Taiwan, Tseng Chang,ke shirin kai ziyara ranar talata, a birnin N Djamena , domin halartar rantsar da shugaban ƙasa Idriss Deby Itno, da ya yi tazarce a watan Mayu da ya gabata.

To amma a halin yanzu Praministan ya fasa a wannan ziayara.

A dalili da kustawar da Sin a Afrika, ƙasashe da dama sun bayyana raba gari, da Taiwan a wannan nahiya.

A halin yanzu, ƙasashe 5 kaɗai na Afrika, ke ci gaba da hulɗoɗi da Taiwan, wato Burkina Faso, Gambia, Malawi, Sawziland ,da Sao Tome da Principe.