Tun da farko dai mahukumtan na Iran sun kama shi da laifin zama kanwa-uwar-gami a zanga-zangar da aka yi wa gwamnati a shekara ta 2017.

Bayan da dan jaridar ya yi ta kauce-kauce domin tsira da rayuwarsa hukumomi sun kama shi har ma a shekarar da ta gabata kotun kolin kasar ta amince da aiwatar da hukuncin kisa a matsayin ladabtarwa ga laifin da suke ganin ya aikata wa kasar. Jaridar Amadnews ta dan jaridar dai nada mabiya fiye da miliyan daya a shafukan sada zumunta.