An amince da yarjejeniyar tsagaita wuta a Sudan ta Kudu
May 10, 2014![Südsudan - Abkommen](https://static.dw.com/image/17626268_800.webp)
Talla
Shugaban kasar Sudan ta Kudu Salva Kiir da madugun 'yan tawaye Riek Machar sun saka hannu kan yarjejeniyar tsagaita wuta, cikin wani matakin martani daga matsin lambar kasashen duniya.
A wannan Jumma'a da ta gabata aka amince da yarjejeniyar a birnin Addis Ababa na kasar Habasha. Wannan ya zama karo na farko da shugabannin suka fuskanci juna tun bayan barkewar rikici a watan Disamban 2013 kan gwagwarmayar samun madafun iko. Kiir da Machar sun amince da gwamnatin wucin gadi zuwa lokacin zaben shekara mai zuwa.
Bisa yarjejeniyar za a tsagaita wuta cikin sa'o'i 24.
Mawallafi: Suleiman Babayo
Edita: Mohammad Nasiru Awal