Fadan dai ya barke ne da safiyar jiya, yayin da sojoji suka kutsa cikin birnin da ke kudancin kasar, wanda ke karkashin ikon bangarori daban daban na Druze .

Arangaman ya biyo bayan kalamai masu cin karo da juna daga shugabannin addinai na garin, wadanda galibi suka bukaci mayakan da su ajiye makamansu.

Ministan tsaron Siriya Murhaf Abu Qasra a kan shafinsa na  X, ya ayyana tsagaita wuta ga dukkan sassan da ke fada a cikin birnin Sweida,  bayan yarjejeniya da manyan jami'an birnin.