'Yan sanda a birnin London na Birtaniya sun cafke wani matukin mota da ya kara motarsa a jinkin shingen tsaron majalisar dokoki cikin wani yanayin harin ta'addanci inda wasu da ke wucewa suka samu raunika. An kai hari kusa da inda aka halaka mutane biyar cikin wani harin na ta'addanci a shekarar da ta gabata ta 2017.

Jami'an 'yan sanda sun ce maharin yana cikin shekarunsa na 20, kuma ba ya bayar da hadin kai a cikin binciken da ake yi. Sai dai babu wata shaidar cewa yana da dangantaka da wata kungiyar 'yan ta'adda. Mahukunta a kasar Birtaniya suna kara harama kan dakile duk wani yunkurin harin ta'addanci.