An gona gawar matashiyar Indiya da ta mutu sanadiyar fyade
December 30, 2012![epa03519715 Indian protester lights candles during an evening rally to mourn a gang rape victim in New Delhi, India on 29 December 2012. The woman, who was gang-raped and beaten by a group of men in a moving bus in the Indian capital on December 16, died early Saturday in a Singapore hospital. EPA/HARISH TYAGI +++(c) dpa - Bildfunk+++](https://static.dw.com/image/16487971_800.webp)
An kona gawar daliba mai koyon aikin likita na Inidya, wadda ta mutu sakamakon raunukan da ta samu, yayin da wasu gungun mutane su ka yi mata fyade, a Delhi babban birnin kasar cikin wannan wata na Disamba.
Hukumomin sun kama mutane shida, wadanda yanzu su ke fuskan hukuncin kisa, saboda zargin aikita wannan laifi.
Bayanai sun ce dalibar 'yar shekaru 23 da haihuwa mai koyon aikin likita, tana shirin aure cikin watan Febrairu mai zuwa, kuma tare su ke tafiya da wanda zai aureta lokacin da lamarin ya faru, inda maharan su ka lakkada musu duka, bayan sun yiwa matashiyar fyade. Kuma haka ya janyo zanga zanga cikin kasar baki daya.
Firaministan kasar ta Indiya Manmohan Singh da shugabar jam'iyyar Congress mai mulki Sonia Gandhi na cikin wadanda su ka tarbi gawar a filin saukan jiragen saman Delhi, bayan daukawa da jirgin na musamman daga Singapore, inda dalibar ta cika a wani asibiti.
Mawallafi: Suleiman Babayo
Edita: Saleh Umar Saleh