Gwamnan yankin ya sanar da cewa harin ya lalata wasu sassan ma'aikatar magajin garin Belgorod tare da raunata mutane biyu.

Wanann na zuwa a yayin da dakarun Rasha suka tabbatar da karbe iko da wani kauyen na gabashin Ukraine na kusa da Donetsk mai iyaka da Rasha.

Ma'aikatar tsaron kasar Rasha ta sanar a cikin wata sanarwa da cewar dakarunta sun shata layi a fagen daga a yankin Nevelské, bayan dauki ba dadi da abokan gaba a Ukraine.