'Yan sandan Hong Kong sun cafke wani fasinja bisa laifin yunkurin bude kofar jirgin sama, lokacin da yake tsaka da tafiya a sararin samaniya, bayan taso wa daga birnin Boston na kasar Amurka, a kan hanyar zuwa Hong Kong din.

Kamfanin jirgin mai suna Cathay Pacific, ya ce a yayin faruwar balahirar, babu wani fasinja ko ma'aikacinsa da ya samu rauni, kuma jirgin ya sauka lafiya ranar Alhamis.

Karin bayani:Mutane 83 sun mutu a gobarar Hong Kong

Tuni 'yan sandan suka kaddamar da bincike bayan kama matashin da ake zargi da wannan katobara, mai shekaru 20 'dan asalin kasar China.