Wani jami'in gwamnati da ya sheda aukuwar lamarin a tattauna da kafar yada labaran Faransa AFP, ya kara da cewa, akwai wasu da  aka kama, sun kuma fallasa kansu inda suka baiyana shirinsu na kai hari kan wani karamin coci da ke yankin, an gano abubuwan fashewa a mabuyarsu inji jami'in.

 Diffa da ke gabashin jamhuriyar Nijar, al'ummarta ba su zarta dubu dari biyu ba, amma ta fuskanci tarin hare-hare daga mayakan Boko Haram da ya janyo asarar rayuka tare da tilastawa da dama zama 'yan gudun hijira.