Hamas ta bayar da rahoton wani harin sama da ya kashe mutane shida a Rafah. Ma'aikatar lafiya  ta Falasdinu ta ce  mutane 32 sun mutu a ciki har da kananan yara a harin bam da Isra'ila ta kai a zirin Gazar. Yanzu haka , dubban mazauna yankin sun koma asibitoci da makarantu da suka zama sansanonin wucin gadi na 'yan gudun hijirar,  a duk fadin zirin Gaza. Majalisar Dinkin Duniya da asusun UNICEF na yara kanana su dukkaninsu sun bayyana takaicinsu a kan lamarin.