Hukumomin ƙasar Kenya sun kori ministan cikin gida, kana kuma babban sefto janar na 'yan sanda ya jiye aikinsa,bayan harin da Ƙungiyar al-Shaabab ta kai a yankin arewa maso gabashin ƙasar kan iyaka da Somaliya wanda a ciki aƙalla mutane 36 suka mutu.

Masu aiko da rahotannin sun ce mayaƙan na kungiyar su kusan 20 suka kai hari a kusa da garin Mandera,inda suka buɗe wuta ga wasu mutanen masu aiki haƙo ma'adinai da ke yin barci da misalin ƙarfe 12 na dare Litini da ta gabata.