Hukumar Majalisar Dinkin Duniya mai kula da ke kare hakkin dan Adam ta tabbatar da mutuwan mutane 93,000 cikin rikicin da ke ci gaba da ritsawa da kasar Siriya, kuma ta ce, akwai yuwuwar adadin ya haura haka.

Ofishin hukumar ya ce, an tattara alkaluman daga watan Maris na shekara ta 2011 zuwa watan Afrilu na wannan shekara ta 2013.

Shugabar hukumar Navy Pillay ta ce, akwai matukar wuya a tantance hakikanin mutanen da suka mutu tun lokacin da aka kaddamar da boren neman kawar da gwamnatin Shugaba Bashar al-Assad ta kasar ta Siriya.

Mawallafi: Suleiman Babayo
Edita: Halama Balaraba Abbas