A shari'ar da ke kasancewa ta farko a Ukraine da ta danganci yakin kasar, an yanke wa Sajan Vadim Shishimarin mai kimanin shekaru 21 da haihuwa hukuncin ne bisa laifin harbe wani tsohon mai kimanin shekaru 62 a yankin Sumy a lokacin da ake yaki. Sai dai kuma lauyan da ke kare shi da Ukraine din ta nada na cewa za su daukaka kara.

Masu gabatar da kara a Ukraine dai na bincike kan dubban laifukan yaki da aka aikata a kasar da suka hada da harin bam da aka kai wani gidan shakatawa da kuma asibitin yara a kasar da ma kaburburan da aka gano a garin Bucha, makwanni biyu bayan da dakarun Rasha suka janye daga birnin Kyiv.

Tuni ita ma Rashar ta ce ta yiwu ta fara gurfanar da dakarun Ukraine da suka mika wuya a ma'aikatar sarrafa karafar kasar ta Azovstal.