Yakin Isra'ila da Hamas da ya barke tun watan Oktoba tuni ya yi illa ga tattalin arzikin yankin Gabas ta Tsakiya da Arewacin Afirka, in ji shugabar asusun lamuni na duniya, Kristalina Georgieva.

Georgieva ta shaida wa taron gwamnatocin duniya a taron shekara-shekara na 'yan kasuwa da shugabannin siyasa a Duba cewar, hakan zai iya yin mummun tasiri na tsawoin lokaci idan har ba a dakatar da yakin akan lokaci ba.