Rahotanni daga jihar Katsina a arewacin Najeriya, na cewa 'yan bindiga sun kai hari kan wani masallaci a kauyen Maigamji tare da yin garkuwa da mutane 19 a masallacin.

Wani dan sanda ya shedawa kamfanin dillancin labaran AFP cewa maharan sun bude wuta kan masallacin a daren ranar Asabar, sun kuma yi wa limamin masallacin rauni da wani masallaci guda daya.

Jihar Katsina na cikin jihohin Arewa maso yammaci da tsakiyar Najeriya da ke fuskantar matsin lamba na 'yan bindiga masu kai hare-hare don sace shanu da mutane don neman kudin fansa.