Masu aiko da rahotanni dai sun ce tarago hudu na jirgin sun goce daga layin dogon lokacin da yake kokarin shan wata kwana lamarin da ya sanya mazauna yankin da hadarin ya auku jin kara mai karfin gaske tare da fitar hayaki. Tuni dai gwamnatin yankin na arewa maso yammacin kasar ta Spain, da hadarin ya auku ta yi kira ga jama'a su bada gudumawar jini domin amfani da shi ga wadanda suka tsira da rayukansu a hadarin. Tuni dai ofishin Firaministan kasar ya bada sanarwar cewar Firaministan zai ziyarci inda hadarin ya auku domin gane wa idonsa halin da ake ciki.

Mawallafi: Ahmed Salisu
Edita: Mohammad Nasiru Awal