Ana ci gaba da luguden wuta a wasu yankuna na kasar Sudan
July 16, 2023![FILE PHOTO: Sudan's Khartoum running low on food and medicine as fighting rages](https://static.dw.com/image/66105361_800.webp)
Talla
Wani mumunan hari da aka kai ta sama a garin Ombada mai yar tazara da birnin Khartoum, ya yi sanadiyar rayukan mutane 5 yayin da wasu 17 suka jikkata.
Masu aikin ceto na ci gaba da neman mutane da suka makale a baraguzen gine-gine, lamarin da ya sa ake ganin adadin wadanda suka mutu ka iya karuwa.
Ya zuwa yanzu, sama da mutum dubu uku ne rikicin na Sudan mai tushe da batun shugabanci suka rasa rayukansu, a cewar wata kungiya mai tattara bayanan yaki, amma kuma wasu na ganin adadin ya zarta haka.
A jiya Asabar ne aka koma teburin tattaunawa a tsakanin sojojin gwamnati da na dakarun RSF a birnin Jeddah na kasar Saudiyya. Zaman da kawo yanzu babu rahoto a kan yadda ya kaya, a baya an yi irinsa ba tare da cimma matsayar kawo karshen yakin ba.