Kasashen Armeniya da Azerbaijan sun lashi takobin ci gaba da yakar juna dangane da rikicin da suke yi kan wanda ya kamata ya mallaki yankin nan na Nagorny Karabakh. A yayin da aka shiga rana ta hudu ana tashin hankali, kasashen sun sanar a ranar Laraba cewa babu sassauci sai kowa ya ga abin da ya turewa buzu nadi.

Jama'an da ke zaune a kusa da inda kasashen ke musayar wuta, sun bayar da labarin ganin fashe-fashe da sauran nau'ika na tashin hankali. Wannan kartar kasar da suke yi na zuwa ne a yayin da kasashen Rasha da Faransa ke kira a gare su da su tsagaita wuta a yi musu sulhu ta hanyar diflomasiyya. Kawo yanzu mutune 100 rikicin ya halaka cikin kwanaki hudu.