Ana cigaba da fafatawa tsakanin gwamnati da yan tawayen Tamil Tigers
October 6, 2006Talla
A ƙasar Sri lanka ana cigaba da yin ɓarin wuta tsakanin sojojin gwamnati da dana yan awaren Tamil Tigers, yayin da aka shiga rana ta hudu a fafatawar dake gudana a arewaci da kuma gabashin tsibirin. Sojojin Sri lankan sun yi daáwar cewa sun kashe yan tawayen 22 bayan da suka ƙaddamar da farmaki a lardin Batticaloa. Sojin gwamnatin biyu sun sami raunuka. Tun a watan Yulin da ya gabata ɗaruruwan fararen hula tare da sojojin gwamnati dana yan tawaye sun rasa rayukan su a faɗan da ya kaure wanda ya kawo ƙarshen ƙwarya-ƙwaryar shirin zaman lafiyar da aka cimma a shekarar 2002. A ƙarshen wannan watan ne dai aka shirya gudanar da tattaunawa don kawo ƙarshen rikicin na tsawon shekaru 20 to amma babu tabbas ko zaá iya cigaba da wannan shawarwari.