Majiyoyi daga Pakistan sun ruwaito cewa ana sa ran ministan harkokin wajen Iran Abbas Araghchi zai isa birnin Islamabad fadar gwamnatin kasar a daren Juma'ar nan, sai dai ba su fayyyace dalilin zuwan nasa da kuma wadanda zai gana da su ba.

A daidai wannan lokaci babban birnin Pakistan na daukar harama domin karbar bakuncin zagaye na biyu na tattaunawa a tsakanin tawagogin Amurka da na Iran, duk da cewa har yanzu ba a tabbatar da cewa ko Araghchi ya yi wannan tafiya ce domin ganawa da jami'an Washington ba.

A gefe guda shugaban Amurka Donald Trump ya bayyana cewa zai ci gaba da kara yin hakuri tare da danne girjinsa domin ganin ya cimma jarjejeniyar zaman lafiya da Iran.