Kimanin masu kada kuri'a miliyan 67 ne ake sa ran za su je rumfunan zabe a ranakun Lahadi,da Litinin da Talata, kafin a a bayyana sakamakon  zaben a hukumance ranar 18 ga watan Disamba. Baya ga shugaban kasar mai barin gado, akwai yan takara guda ukku da ke fafatawa da shi, wadanda ake yi wa kallon jeka na hika.Bisa ga dukkan alamu shugaba mai ci, Abdel Fattah al-Sissi, yana da tabbacin lashe wa'adi na uku. Kasar Masar mai yawan al umma miliyan 106, na fuskantar matsalar tattalin arziki mafi muni a tarihinta, wanda kashi biyu cikin uku na al'ummar kasar na  rayuwa cikin kangin talauci.