Wannan dai na zuwa ne bayan da a makon da ya gabata, shugaban ya sha suka a game da kisan Qassem Soleimani, dama Shugabar majalisar Wakilan kasar Nancy Pelosi ta yi kakkausar suka a kan matakin da gwamnatin Trump ta dauka a game da harin da Amurkan ta kai da ya halaka babban janar na sojin Iran din.

A daya bangaren kuwa, Iran ta sha alwashin cewa ba za ta ragawa Amurka ba; har sai ta fice daga yankin. Shugaban Addinin Iran Ayatollah Ali Khamenei ya kira matakin kai harin da Iran ta yi a na ramuwar gayya a matsayin wani babban bugu ga Amurka.