Jam'iyyar adawa ta Bangladesh Nationalist Party wato BNP ta tsohuwar Fimanista Khaleda Zia da kawayenta duk sun tsame kansu daga zaben saboda zargin za a tafka magudi.

Rahotanni sun nunar da cewa sama da mutum dubu 25 ciki har da 'yan adawa jami'an tsaro suka garkame, saboda zargin tayar da husuma.

Sama da jami'an tsaro dubu 800 ne dai hukumomi suka baza don tabbatar da tsanaki lokacin zaben, yayin kuma da aka kebe wasu dubu 700 saboda ko ta kwana.

Gwamnatin Bangladesh din ta zargi 'yan adawa da kokarin tarwatsa zaben, zargin kuma da babbar jam'iyyar adawa ta BNP ta musanta.