Cikin wata sanarwa da kakakin Majalisar Dinkin Duniyar ya fitar, ya nunar da cewa sakatare janar na majalisar Antonio Guterres ya damu matuka kan yanayin lafiya da ma tsaron shugaban  Jamhuriyar Nijar din da iyalansa. Ya kuma yi kira ga sojojin da suka kifar da gwamnatin Mohamed Bazoum a watan Yulin da ya gabata, kan su gaggauta sakin sa shi da iyalan nasa ba tare da wani sharadi ba su kuma mayar da shi kan kujerarsa.