A cewar firanministan Australiya, Anthony Albanes, dokar da za ta fara aiki a wannan Larabar a kasar, za ta ba wa iyaye damar sa ido tare da kare yaransu daga wadannan kafofi, sai dai za a sha wahala wajen aiwatarwa.

Karin bayani: Najeriya: Rufe kafofin sada zumunta ne mafita?

Wasu iyayen sun ce yaransu sun fusata bayan da suka gano an rufe musu shafukansu na sada zumunta. Iyaye da dama ne a kasar ta Australiya suka nuna farin cikinsu ga sabuwar dokar, musamman iyayen da yaransu suka kashe kansu a dalilin wadannan kafofin. Dokar ta kuma tanadi hukuncin biyan tara na kimanin dala miliyan 33 kan kamfanoni irinsu Facebook da Instagram da TikTok da Snapchat da X, idan ba su dotse shafukan yaran 'yan kasa da shekaru 16 ba.

Kwamishiniyar da ke sa ido kan internet a kasar, Julie Inman Grant ta ce kawo yanzu an rufe shafukan TikTok na yara fiye da dubu 200 a kasar.