Babban sakataran MDD Ban Ki Moon ya buƙaci shgaban ƙasar Siriya da ya kawo ƙarshen kisan gilar da ya ke aikata wa kan al'ummar sa ''ya ce a yau na ƙara jadada cewar da shugaba Bashar Al Assad da ya dakatar da kisan jama´ar sa,

Ya ce kuma tarihi ya nuna cewar babu wani shugaba da ya riƙa amfani da ƙarfin dawo dawo akan al´ummar sa kana kuma ya sha salin alin.Mista Ban Ki Moon wanda ya baiyana haka a wajan wani taro a birnin Berouthe na ƙasar Libanon wanda ke tattauna sauye sauyen da kuma yadda za a riƙa tafiyar da gwamntin wucin gadi ta dimokariyya wanda tsafin shugabannin ƙasashen duniya da kuma masu ci yanzu suke hallarta ya ce lokaci yayi da za a samu sauyi a Siriya.Wannan furci da babban sakataran majalisar ya yi ,ya zo ne a daidai lokaci da shugaba Assad ya baiyana wani ƙudirin doka ;da yayi ahuwa ga waɗanda ke da hannu a cikin yamutsin da aka soma a ƙasar tun cikin watan maris da ya gabata.

Mawallafi :Abdourahamane Hassane
Edita : Ahmad Tijani Lawal