Bullar sabon nau’in cutar COVID-19 a nahiyar Afirka, da kuma rashin dai-daito kan rabon alluran rigakafi kama daga cikin nahiyar dama a fadin duniya duk Afirka ce ta baya. Wata babbar matsalar it ace samar da rigakafin a masu bukata. Hatta ga kasashen da ke wadataccen alluran rigakafi, kamar Afirka ta Kudu, suna fiskantar kalubalen da suka hada da kin karbar alluran da mutane ke yi a bisa hujjar labaran boge da ake yadawa masu cewa riga kafin da ake bayarwa na da illah.

Mutane da yawa sun kauracewa rigakafin kamar yadda wannan da ke zama a birnin Johannesburg ya bayyana inda ya ce "Don me zan yi allurar rigakafin alhali akwai maganin gargajiya da zai warkar da cutar? Kuma kari shine naga illar allurar domin wasu da aka yiwa damtsen hannunsu da kafadunsu sun kumbura, wassunsu ma har sai da suka yi jinya." Ana matukar bukatar sahihan bayanai da za su kawar da wannan shaci-fadi da jahilci, a cewar Linda-Gail Bekker, Farfesa a bangaren magunguna da ke jami’ar Cape Town na kasar Afirka ta Kudu.

Sabon nau'in corona ya yadu a Kenya

Sai dai a kasar Kenya inda sabon nau’in coronan ya yi saurin yadauwa, akwai karancin alluran rigakafin ga masu bukatar karba, hakan kuma duk irin tashin hankali da jamaa suka shiga. A Monica Wanjiku da ta rasa iyalanta uku sanadiyyar annobar ta fadi yanayin da shiga tana mai cewa "Zuciyata na cike jin zafi. Ban san ma me zan fada ba, amma ina ganin da a ce an yi wa mutanen riga kafin da sun warke."

Yayinda kasar Afirka ta Kudu ta iya yiwa mutane miliyan 10 riga kafin corona, ita kuwa kasar Kenya milyan biyu ne kawai suka iya samun allurar. Kasashen Afirka dole sai sun tsaya don magance cutar, ya yinda wasunsu ke fama da karancin magani bisa rashin kudi da suke fama da shi kasa ga kasashe mawadata, akwai matukar bukatar kara wayarda kan mutane ingancin alluar rigakafin.