Wata guguwar da ake kira da sunnan Typhon Haikui wacce ta ke tafe da iska haɗe da ruwan sama mai ƙarfin gaske na shirin yin toroƙo a yankin gabasahin China inda jama#a suke cikin zaman ɗar ɗar.Guguwar wacce ta rastsa a yankin Zejang da ke a kudanci ,wadda ke da gudun kilomita 150 a ko wace awa guda.

Tuni da ta share wasu gidaje da dama tare da katse wutar lantarki a wasu ƙayuka kusan guda ɗari.A cikin watan Yuli na shekarar bara ruwan sama da aka riƙa shatatawa kamar da bakin ƙwarya a ƙasar ta China; wanda ba a taba yin irin su ba a cikin shekaru 60 ,sun yi sanadiyyar mutuwar mutane 79 a birnin Bejin.

Mawallafi : Abdourahamane Hassane
Edita : Umaru Aliyu