Barazanar matsalar jin kai a kasar Nijar
August 10, 2023![Coup aftermath in Niger](https://static.dw.com/image/66402196_800.webp)
Talla
Kungiyar Welthungerhilfe ta kasar Jamus ta ruwaito cewa farashin buhun shinkafa ya tashi da kashi 50 cikin 100, sannan man fetur ya kara tsada da kashi 20 cikin dari.
Shugaban kungiyar ta agajin Jameson Gadzirai ya shaida wa kafafen yada labarai na Jamus cewa bukatar taimakon jin kai zai iya karuwa a Nijar, kuma halin da jama'a ke ciki zai iya kaiwa ga matakin barazanar karancin abinci.
Wannan dai na zuwa ne a daidai lokacin da shugabannin kungiyar hadin kan tattalin arzikin kasashen yammacin Afrika ECOWAS ke neman mafita kan halin da ake ciki a Nijar a wani taron koli da suke gudanarwa a Abuja babban birnin Najeriya.