Benin: Gwajin Covid-19 a kan malaman makaranta
May 9, 2020
Talla
Daga Litinin dai an amince daliban da ke ajin karshe a makarantun firamare har zuwa jami'o'i su koma makaranta. Matakin na zuwa ne bayan 'yan kasar sun yi akalla makonni shida a cikin dokar kulle wace ta tilasta rufe makarantu da sauran abubuwan rayuwa. Kawo yanzu kasar Benin mai mutane milyan 11 na da masu coronavirus guda 284, a cikin adadin kuma mutum biyu sun rigamu gidan gaskiya.