Nukiliya: Amirka za ta zauna da Koriya ta Arewa
May 22, 2021![USA PK Moon Jae-in und Joe Biden](https://static.dw.com/image/57628236_800.webp)
A ziyarar da Moon Jae-in ya kai wa Shugaba Biden ta ranar Jumma'a a Fadar White House, Shugaba Biden ya ce zai iya ganawa da Shugaba Kim Jong Un na Koriya ta Arewa idan har dama ta samu, kamar yadda yake cewa
Idan har Shugaban Koriya ta Arewan ya nuna alamun zai bada damar a tattauna da shi ni ma zan zauna da shi, amma dole sai ya amince cewa za mu yi magana ne a kan makamansa na nukiliya da kuma yadda za mu kawar da makaman.'' inji Biden
A jawabin da Shugaba Moon Jae-in ya yi a zantawarsa da Biden din ya ce a yanzu duniya na murna da yadda Amirka ta mayar da hankalinta ga muhimman abubuwan da ke faruwa a kasa da kasa.
Wannan ne dai karo na biyu da Shugaba Joe Biden ya gana da wani shugaban ketare gaba-da-gaba tun bayan da ya hau mulkin Amirka a sakamakon halin da ake ciki na coronavirus.