Hakan dai na zuwa ne a yayin da duniya ke ci gaba da yin tir da kisan kiyashin da ake zargin Rasha da aikatawa a Bucha da ke kusa da birnin Kyiv na Ukraine.

Shugaba Biden ya ce hotunan sun nuna karar irin ta'asar da Putin din ya yi a Ukraine wanda suka nuna hujojjin gurfanar da shi a gaban kotun hukunta laifukan yaki. Shugaban na Amirka ya ce za su cigaba da bai wa Ukraine tallafin kayayyakin yaki da zai ba ta damar ci gaba da yaki.