SiyasaYemen
Birtaniya za ta shiga kafar wando guda da 'yan Huthi
January 14, 2024![Ministan harkokin wajen Birtaniya David Cameron](https://static.dw.com/image/57521104_800.webp)
Talla
A cikin wata mukalarsa da aka wallafa a jaridar Sunday Telegraph, ministan harkokin wajen Birtaniya David Cameron, ya ce a baya kasar ta aike da gaggarumin sako ga mayakan Huthi, kana a shirye take ta sake yin fada da cikawa.
Kalamun ministan harkokin wajen na Birtaniya na zuwa ne, bayan da a wannan Jumma'a Amurka da Birtaniya, suka kaddamar da luguden wuta kan mayakan Huthi masu samun goyon bayan Iran.
Kungiyar Huthi, sun shiga ne kai tsaye a fadan da Isra'ila take yi da Hamas, inda suka lashi takobin kai jerin hare-hare kan jiragen dakon kayan kasa da kasa da ke bi ta tekun Bahar Maliya.