A baya dai an fi sanin Boko Haram din a jihohin Arewa maso Gabas, sai kuma ga shi yanzu sun shiga jihar Neja har ma sun fara karbe iko da kayuka.

Sakataren gwamnatin jihar ta Neja Alhaji Ahmed Matane ya shaida wa kamfanin dillancin labaran Jamus DPA, cewa kauyukan da ke hannun Boko Haram din a Neja na cikin kananan hukumomin Shiroro da Rafi. Jami'in ya ce lamarin ya sanya dubun-dubatar mazauna yankunan kauracewa gidajensu.