Brazil: Kotu ta haramta wa Bolsonaro damar mulki
July 1, 2023![](https://static.dw.com/image/65331551_800.webp)
Talla
Hukuncin kotun dai ya nuna cewa tsohon Shugaba Jair Bolsonaro zai kwashe shekaru bakwai daga yanzu kafin ya iya rike wani mukami, wato dai sai shekara ta 2030 saboda shakkun da ya bayyana kan tsarin zaben kasar ta Brazil. Sai dai haramcin bai shafi iyalan tsohon shugaban na Brazil ba, musamman ma matarsa da kuma 'ya'yansa.
Wannan hukunci da kotun ta yanke wa Jair Bolsonaro mai shekaru 68 dai, zai iya shafar makomar siyasarsa musamman damarsa ta sake mulki a Brazil. Mr. Bolsonaro dai ya bayyana hukunci a matsayin cin amana, kuma ya ce zai daukaka kara.