A cewar masana kimiyyar na Afirka ta Kudu, sabon nau'in na yaduwa cikin gaggawa kuma mutane da dama sun kamu. Adadin wadanda ke kamuwa da annobar COVID-19 din a kasar da ke neman zama cibiyar corona a nahiyar Afirka, ya karu tun daga farkon wannan wata na Nuwamba da muke ciki. Hukumar Lafiya ta Duniya WHO, ta bayyana cewa tana bin rahoton bullar sabon nau'in na Afirka ta Kudu sau da kafa. Rahotanni sun nunar da cewa an samu sabon nau'in a kasar Botswana da yankin Hong Kong, a jikin wasu fasinjoji da suka fito daga Afirka ta Kudun.