Kotun kolin Burundin dai ta ce wadannan laifuka da aka samu tsohon firamnistan Alain-Guillaume Bunyoni shi da aikatawa ne, suka sanya  ta yanke masa hukuncin daurin na rai-da-rai. Majiyoyin shari'ar kasar dai, sun tabbatar da da wannan batu na hukuncin zargi kan juyin mulkinga tsohon firamnistan Alain-Guillaume Bunyoni. A watannin da suka gabata ne aka fara shari'ar ta Bunyoni wanda ya rike mukamin firamnista tsakanin shekara ta 2020 zuwa 2022, kafin a sauke shi daga mukaminsa bayan da Shugaba Evariste Ndayishimiye ya yi zargin an yi masa yunkurin juyin mulki.