Takaddama kan yi wa jagoran Boko Haram afuwa
February 26, 2022![Deutschland l Besuch des Nigerianischen Präsidenten in Berlin](https://static.dw.com/image/58214781_800.webp)
Ana ci gaba da cece-kuce kan matakin da gwamnatin Jamhuriyar Nijar ta dauka na yin afuwa ga wasu mayakan Kungiyar Boko Haram da ke tsare a wasu gidajen yarin kasar, daga cikin wadanda aka yi ma afuwan, har da daya daga cikin jagororin kungiyar da ke tsare a wani gidan yarin kasar mai makwabtaka da Najeriya, inda Kungiyar Boko Haram ta samo asali.
Shugaba Mohamed Bazoum ya sanar da shirin yin afuwan, a lokacin wani taro da yayi da wasu manyan 'yan siyasa da shugabanin kungiyoyin farar hula da malamai dama sarakunan gargiya a Juma'ar da ta gabata, a taron shugaban ya kuma tabbatar da hikiman neman taimakon sojojin Takuba na Turai, daga bisani ya gabatar da hujjojin da suka saka shi amincewa da sojojin na Takuba, da ya ce, da taimakonsu za a hadu a magance matsalolin tsaron kasar da suka hana wasu yankunan Nijar zaman lafiya.