Kasashen Chaina da Zambiya sun sanar da aniyarsu ta fara cinikayya a tsakaninsu da kudaden kasashensu a maimakon kudin wata kasa ta ketare. Wannan na daya daga cikin manyan abubuwan da shugabannin kasashen suka cimma a ganawar da suka yi a Jumma'ar nan.

Hukumomin Beijing da Lusaka sun ce mataki ne da suke sa ran zai rage tsadar kudaden ketaren da 'yan kasuwar kasashen kan saya kafin su kulla wata hada-hadar kasuwanci a tsakaninsu. Chaina da Zambiya sun kuma amince su farfado da cinikayya a bangaren albarkatun kasa da karfafa alaka ta tsaro a tsakaninsu.