Majalisar wakilai na Sudan sun amince da yarjejeniyar da aka cimma da Sudan ta kudu kan batutuwa da suka shafi tsaro akan mai. Shugabannin kasashen biyu dake makwabtaka da juna dai sun yabawa wannan mataki da majalisar ta dauka, tare da bayyana shi a matsayin matakin kawo karshen rikicin ɓangarorin biyu dayaki ci yaki cinyewa na lokaci mai tsawo. Kakakin majalisar Sudan, Ahmed Ibrahin al-Tahir ya fadawa manema labaru a Khartum cewar, kusan dukkan 'yan majalisar ne suka amince da wannan yarjejeniyar. Fiye da rabin wakilanta 350 ne suka bayyana domin kaɗa kuri'unsu, kuma biyu ne kacal suka yi adawa da shirin.

Mawallafiya: Zainab Mohammed Abubakar
Edita : Umaru Aliyu